Evatar, un aparello de reproducción femenino artificial capaz de reproducir o ciclo menstrual

Un equipo de científicos americanos acaba de desenvolver un aparato de reprodución feminino artificial capaz de reproducir o ciclo menstrual de 28 días e liberar, ao final, un óvulo..Chámase Evatar. Este dispositivo é unha representación 3D en miniatura do aparato de reprodución da muller, cos seus ovarios, trompa de falopio,  útero , vaxina e cérviz.Tamén ten un fígado, órgano necesario para metabolizar algunhas das sustancias empregadas.

Ten como función principal estudar os fármacos e a bioloxía básica da reprodución feminina para tratar de comprender mellor enfermidades como a endometriose, os fibromas, o cancro ou a infertilidade.

Nas investigacións preclínicas que se levaron a cabo ata o momento, empregábanse normalmente animais machos e as súas células polo que isto dá lugar a unha enorme falta de información sobre a saúde das mulleres e a fisioloxía feminina.

Ademais as probas realizadas poden ser eficaces cos animais pero non tanto cos seres humannos ou ter efectos secundarios. Para resolver este problema creouse o programa “Tissue Chip for Drug Screening, que financia o desenvolvemento de plataformas en 3D con células e tecidos humanos vivos, máis coñecidos como “órganos nun chip”. 

Evatar é o resultado dun destes proxectos financiados con este programa que deu lugar anteriormente a outros órganos artificiais como pulmóns ou un fígado. Con eles espérase resolver o problema plantexado anteriormente, o que supón unha alternativa científicamente válida para predicir a eficacia e seguridade dos tratamentos dende as primeiras fases da investigación.

No caso de Evatar, o obxectivo final no futuro é poder utilizar células madre dunha paciente individual para crear un modelo personalizado do seu sistema reprodutivo. 

Os investigadores deron a coñecer o seu traballo en Nature Communications, co título“A microfluidic culture model of the human reproductive tract and 28-day menstrual cycle.